Нека му покаже американската амбасадорка Агелер на Мицкоски, како се работи!
Пишува: Зоран Божиновски
Оние кои ме следат и читаат, а меѓу нив има и доста кои длабоко ме анализираат (аналитика во МВР, Агенција за разузнавање, АНБ, ТЕЛЕКОМ, ЕВН, амбасадите на САД, Германија, Австрија и ЕУ и др.) добро знаат дека не сум поддржувач на криминалните политики на премиерот Христијан Мицкоски и ВМРО ДПМНЕ. Едноставно, продолжувач е на криминалните политики на Владата на Никола Груевски, иако со него лично никогаш немал никакви допирни точки и никаква блискост, туку е кадар на Сашо Мијалков, негов слуга и слепо послушно кутре…
Сепак, не можам а да не напишам јавно дека нервозниот ТВ настап на американската амбасадорка Анџела Агелер, скриен зад лажна смиреност, содржи крајно безобразна изјава/порака:
,,Премиерот Мицкоски помалку да зборува повеќе да работи, од него очекуваме акција!,,
Безобразна е затоа што Анџела Агелер е дипломат, именуван од администрацијата на претседателската кукла на американските демократи, ЏО БАЈДЕН, нема никакви допирни точки со администрацијата на ДОНАЛД ТРАМП, а уште од декември 2024 година заедно со сите американски дипломати, веднаш добија порака по неговиот повторен избор:
,,Сите амбасадори да си поднесат оставки и да очекуваат смена!,,
Ова важи и за Агелер, амбасадорка на заминување од функцијата која сеуште ја извршува, затоа што Стејт Департмент под власт на ТРАМП има поважни и побитни земји од Северна Македонија и поради немање доволно време да ни се посвети. Затоа Агелер е оставена да ја заврши својата неславна дипломатска мисија во Скопје на почетокот од 2026 година.
Нејзината мисија ја нарекувам неславна затоа што како десна рака на уште понеславниот амбасадор ЏЕС БЕЈЛИ, ама во тандем со нејзиниот сопруг БРАЈАН АГЕЛЕР, со години работеа на кршењето на р’бетот на Македонците во ВМРО ДПМНЕ и СДСМ, заедно со искршените р’бети на ДУИ, политичко крило на терористичката организација ОНА, да се изведе промената на името од БЈРМ во Северна Македонија. Тандемот сопружници дипломати БРАЈАН и АНЏЕЛА АГЕЛЕР, во нивните кариери имаат направено огромна финансиска штета по земјите каде биле амбасадори, ама имаат направено и огромна штета по САД, па за нивниот клептомански начин на амбасадорување допрва следуваат истраги. Нема да ги набројувам земјите каде ,,поминале,, сопружниците дипломати, секој може да ги внесе нивните имиња на било кој интернет пребарувач и ќе прочита каде поминале, ама ретко некоја земја каде амбасадорувале БРАЈАН и АНЏЕЛА – се усреќиле!
Повеќе се унесреќиле, како Северна Македонија што е длабоко унесреќена поради жестоката и безобразна контрола врз СДСМ, ВМРО ДПМНЕ и ДУИ од 2004 година до денес, од почетокот на ноември 2004 година кога заради радост на овдешни будали не признаа под УСТАВНО ИМЕ – РЕПУБЛИКА МАКЕДОНИЈА, а тој УСТАВ со врвен политички притисок од нив и од ЕУ неброено пати го сменивме, до смената на името од БЈРМ во Северна Македонија, во пакет со последните напори да се смени Уставот уште еднаш за да бидат внесени во него и Бугарите. Како што ќе биде и извесното измислување нов следен проблем поради кој тој УСТАВ со тоа сега ново УСТАВНО ИМЕ ќе се менува заради некое ново барање од Албанија или Косово, земји кои под спонзорство на САД со крупни чекори напредуваат кон членство во ЕУ!
Анџела Агелер е екстремно нервозна поради нејзиното промашување со инсталација на ДИМИТАР КОВАЧЕВСКИ за премиер, за да се заташка продукцијата на САД во најголемиот грабеж на овој простор – МАЃАР ТЕЛЕКОМ, фирма ќерка на ДОЈЧЕ ТЕЛЕКОМ. САД судски се нагодија со Германците и Унгарците, си ја наплатија својата штета во износ од стотина милиони УСД, а не извршија баш никаков притисок врз овдешните извршни и правосудни институции, да се процесуираат доказите за инсталација на најсовремена израелска опрема за прислушување, следење и надзор врз граѓаните на РЕПУБЛИКА МАКЕДОНИЈА БЈРМ СЕВЕРНА МАКЕДОНИЈА, во режија, аранжман и изведба на ДОЈЧЕ ТЕЛЕКОМ, преку МАЃАР ТЕЛЕКОМ и МАКЕДОНСКИ ТЕЛЕКОМ, низ директно спроведување на нивните американски криминални политики преку ИНСТАЛАТОТ викан премиер ДИМИТАР КОВАЧЕВСКИ, човек слуга и послушник на ВМРО ДПМНЕ, формално со татко му зачленети во СДСМ. Човек со лажно завршено средно училиште во некое мало гратче во САД, со фалсификат докторат подарок од МИЛО ЃУКАНОВИЌ, додека директоруваше во Подгорица и работеше на монополизација на тамошниот телекомуникационен пазар заедно со НИКОЛА ЉУШЕВ!
Безобразна е Анџела Агелер кога на премиерот Мицкоски му се обраќа од онаква височина и буквално дрско му наредува да направи промени во правосудството и обвинителството, а таа самата си знае дека наназад 20 години САД направиле се што е во нивна моќ, иако дале ПОЛОВИНА МИЛИЈАРДА ЕВРА за развој, ние да не се развиеме! Даваа помош за развој на казнениот систем, алките ги донираа уште во 2018 година и до пред некој месец не почна имплементацијата, на полицијата пред неколку години им подарија камери какви што носат американските полицајци, камери кои снимаат од почеток до крај на смена на секој полицаец, ама нашите во МВР уште кога ги пробаа ,,почна глава да ги боли од камерите,, затоа што не можеа да продолжат со рекет, мито и корупција, па камерите стојат неупотребени во некое депо, па подарија и АКМИС систем за правосудството кој е злоупотребуван до степен на дрскост, па исклучен да не функционира, за да можат политичките партии да продолжат да доделуваат предмети рачно, на подобни судии избрани од партиски тефтерчиња…
АНЏЕЛА АГЕЛЕР, заедно со нејзините претходници на нас ни инсталираа НЕДЕМОКРАТИЈА, постојано се мешаат во се и сешто за што се заинтересирани, а баш се ги интересира, никогаш не направија напор да ги притиснат партиите да се демократизираат внатрешно, никогаш не ги седнаа лидерите и да им наредат како што ги повикуваат во амбасадата на Калето и постојано им наредуваат што да прават, па да им објаснат дека политичките битки во партиите се водат од најниско ниво до борба за гувернер, конгресмен, обвинител, шериф и претседател на државата, преку тајно гласање!
АНЏЕЛА АГЕЛЕР е преплашена и пренервозна затоа што на измамата викана ,,БЕХТЕЛ И ЕНКА,, воопшто не и оди добро. Бесна е затоа што изградбата на автопатот од нашата граница до Приштина кој Косово го чинеше 500 милиони УСД поскапо, па тогашниот амбасадор на САД на Косово пресече лента, го пушти автопатот во употреба, даде отказ во Стејт Департментот и стана акционер во ,,БЕХТЕЛ И ЕНКА,,, американско турска компанија. АНЏЕЛА е бесна затоа што после овој грабеж на Косово, од оваа компанија во Северна Македонија е дојден само турскиот дел а Американците се повлечени! Додека да се заврши започнатото во Северна Македонија, а почна со висока корупција во режија на АРТАН ГРУБИ кој здувна кога беше отворена истрага против него, на АНЏЕЛА АГЕЛЕР ќе и заврши дипломатската кариера и ќе остане без наградата каква што си наплати нејзиниот бивш колега на Косово…
Дрска и безобразна е нејзината ТВ потера по Христијан Мицкоски ,,повеќе да работи, а помалку да зборува,,, затоа што овдешното кривосудство и обвинителство е длабоко криминализирано токму во режија на амбасадата на САД, нејзина ама и режија на нејзините претходници. Амбасадорката Агелер ептен прецизно и точно знае, најдетално е информирана, а Северна Македонија и натаму е земја во која телекомуникациониот пазар е монополизиран, па со прислушување, следење и надзор воопшто не е застанато.
Израелските современи системи за прислушување, следење и надзор и натаму се под контрола на ДОЈЧЕ ТЕЛЕКОМ и МАКЕДОНСКИ ТЕЛЕКОМ, со знаење, дозвола и соучество на САД. Тие системи само се отргнати од канџите на ВМРО ДПМНЕ, СДСМ и ДУИ кои еден период беа опуштени до степен да умислат дека тие се КОНТРОЛОРИТЕ!
Штета е што Христијан Мицкоски нема храброст после оваа изјава на амбасадорката да поднесе оставка и да ја повика да седне во неговиот премиерски кабинет и да му покаже како тоа се работи, наместо премногу да се зборува, во земја сардисана од непријатели од сите страни, нападната од внатрешен непријател кој веќе и не знае кому служел, кому служи и кому ќе служи во блиска иднина…
Затоа, јас предлагам АНЏЕЛА АГЕЛЕР да биде предложена и избрана од пратениците во Собранието на Северна Македонија за ПРЕМИЕРКА! Ионака завршува кариера во американската дипломатија, а нам баш стручњак како неа ни треба. Дури може сопругот БРАЈАН АГЕЛЕР да си го ангажира за советник…
Па да тргнеме еднаш и напред, доста беше назадување!
