Длабоко ме потресе вчерашната објава на ЈАНКО ИЛКОСКИ викан ЈАДИ БУРЕК! Ќе ви раскажам една вистинита приказна…
Пишува: Зоран Божиновски
Во септември 2011 година, на еден мој пат на релација Србија – Хрватска, во време кога постојано сум со живеење НОВИ САД, а веб страната Буревесник една од најчитаните и највлијателните, во комбинација со два убиствени ФБ профили на мое име, добив ненадеен повик од ЈАНКО ИЛКОСКИ!
Од него добив покана и понуда преку Скајп комуникација да му гостувам во издание на ,,ЈАДИ БУРЕК,,. Прифатив поради почит кон неговата бројна публика, а и поради неговото прифаќање да му гостувам под два услова:
1. Да биде ИН ВИВО или во живо;
2. Да трае 90 минути;
Ми нагласи Јане во тој разговор дека сосема слободно ќе можам да зборувам, дека нема да цензурира, дека ќе ми постави незгодни прашања и дека можам да давам незгодни одговори. Сакам да нагласам дека тогаш бев најголем непријател на Владата на Никола Груевски, во чиј состав командуваше братучедот му Сашо Мијалков, а од дома кадровик беше мајка му Нада Груевска, а премиерот не смееше да носи никакви одлуки без знаење на МАРТИН ПРОТУЃЕР. Тој му беше надреден од страна на нивниот главен финансиер, ,,КОНРАД АДЕНАУЕР,, од Германија, фиктивно здружение на граѓани, формирано од партијата на АНГЕЛА МЕРКЕЛ…
Оваа владејачка екипа, преку КОНТРОЛОРОТ Протуѓер на ЈАНЕ ЈЕДИБУРЕКОВИЌ му дала задача да ме убеди да му гостувам во ,,ЈАДИ БУРЕК,,, да биде фин и питом со мене во договарањето, што потоа и се случи. Од она што ЈАНЕ ми го искажа пред да договориме гостување, сфатив дека ЕКИПАТА на власт му наменува улога на ПОНТОНСКИ МОСТ, преку кој ќе ми се приближат и ќе ме смилостиват да престанам да ги рушам и да престанам да обелоденувам докази за нивниот криминал! И навистина, ЈАНЕ во добар дел од моето гостување во тоа издание беше питом, помирлив и добар со мене…
Арно ама…
Бидејќи ја претерав со искажување на аргументи и фактографија за криминалот на Владата, бидејќи сфатиле дека не ја бива работата и нема простор за разговор и договор со мене, ЈАНЕ ИЛКОСКИ во 65 минута од договорените 90, ми упаѓа во збор и СВИРИ КРАЈ, ненадејно ми се заблагодарува и го завршува интервјуто со мене. Ова се случува после добиена СМС порака од Мартин Протуѓер, некој минута порано, момент кој се гледа во интервјуто, Јане погледнува во телефонот пред него, чита порака: ,,ДОСТА Е, ПРЕКИНУВАЈ, ОДЈАВУВАЈ!,, и гостувањето завршува.
Ова беше ТРЕТ и последен обид да се договорат со мене некако, претходните два пати НИКОЛА ГРУЕВСКИ лично го испраќаше два пати АЛЕКСАНДАР БИЧИКЛИСКИ во Белград кај мене, со понуда да кажам КОЛКУ ПАРИ треба да платат за да договориме ,,пакт за ненапаѓање,,. Бичиклиски е куглар, доаѓаше на куглање во белградски ТАШМАЈДАН (спортски центар!), инсистираше да се видиме, се видовме, испивме пијачка, десетина пати повтори на мое одбивање дека НЕ САКАМ ПАРИ И НЕ САКАМ ДОГОВОР СО ДПМНЕ:
,,КАЖИ КОЛКУ! КАЖИ КОЛКУ! КАЖИ КОЛКУ!…,,
Кажав на крај: ,,2.387.392 евра, со платен данок, на моја сметка во швајцарска банка!,,
Кога се вратил во Скопје, БИЧИКЛИСКИ ова го кажал на Никола Груевски, ама биле присутни Александар Николовски и Мартин Протуѓер, па тие здраво се изнасмеале на ова, си изнаправиле вицОви, до степен на Груевски да му биде незгодно и непријатно, па на БИЧИКЛИСКИ му рекол:
,,НЕ МОЖЕ ТОЈ ИЗНОС, НЕКА КАЖЕ ДРУГ!,,
Пак после некое време Бичиклиски куглаше на Ташмајдан, пак се видовме, ми ја раскажа оваа епизода и ми раскажа со колку подсмев и цинизам настапиле Протуѓер и Николовски, па ми рече:
,,ШЕФОТ РЕЧЕ, ДРУГ ИЗНОС ДА КАЖЕШ!,,
Кажав од прва: ,,23.873.922 евра, со платен данок, на моја сметка во Швајцарска банка! Верувам дека на твојот шеф Груевски првиот износ не му се допаѓа, дека му се чини малку, па еве ЕДНА НУЛА ДОДАДОВ!,,
Бичиклиски само ми кажа дека не сум нормален, дека имам фантастична шанса да се договорам, дека е очигледно дека кажувам износи за да не се договорам! Па си замина, а после неславно заврши кариера во ДПМНЕ, далеку пред да ја заврши ЈАНЕ ИЛКОВСКИ викан ,,ЈАДИ БУРЕК,,…
И не само Бичиклиски и Јане Илковски, туку огромен број послушници, лица што ,,трчаат на избори,,, паразити кои ништо не работат оти не знаат ништо корисно да работат, довчерашни легачи и слични, не го согледуваат овој момент. А тоа е:
ДПМНЕ по сила на приликите извршува апсолутна власт која апсолутно корумпира, избори во некогашната партија денешно трговско друштво немало, а и заборавиле како изгледа да има, Општинските комитети не постојат, суспендирани се и таму каде ги има само служат за украс. Државата за која пред членството ветуваа дека ќе и го вратат името, е банкротирана. Од пристап до ЕУ и тамошните фондови, ДПМНЕ е далеку колку земјата од сонцето, парите кои останаа да се доукрадат од веќе ограбениот буџет до коска, ги крадат последниве месеци. И да не редам повеќе, ќе кажам дека не сакам да сум му во кожата на премиерот Христијан Мицкоски, затоа што за она на што се нафатил, има силна заложба од неговите од неговото најблиско опкружување да НЕ УСПЕЕ да го реализира…
ЈАНЕ и БИЧИКЛИЈА се само обични примери на пресметка на некогашната партија сегашно трговско друштво, со своите најпослушни момци! Дојдени се некои НОВИ МОМЦИ, од некогашниот трет, четврти и петти ешалон под Груевски и Мијалков, да повладеат и да дорастурат она што овие двајца го растураа од 2006 до 2017 година…
Жал ми е за ЈАНЕ ЈЕДИБУРЕКОВИЌ и за сите кои во следниот период ќе завршат како него, на маргините на општеството или некои и на отпад…
