logo
Search
Close this search box.

УБИСТВО СО ДРЖАВЕН ПОТПИС НА ОБВИНИТЕЛСТВО

Судии и обвинители од Врховниот, Кривичниот и Граѓанскиот суд во Скопје и нивни странки, повеќе од месец дена на одење на работа или по потреба на суд, гледаат во билборд на кој се гледа фотографија од згаснат млад живот и порака:
 
ВОЗЕВ ПИЈАН И ДРОГИРАН, ЈА УБИВ ЈЕЛЕНА
Лани, на 14 јануари 2020, во 01:26 часот на железнички премин кај Миладиновци во насока на с. Бујковци, скопско, се случила тешка сообраќајна несреќа со смртни последици по 17 годишната Јелена Филиповиќ од Куманово. Така тврди обвинителката НАТАША КРСТЕВА ЦАЛЕВА од ОЈО Скопје која го водела увидот и ја води истрагата цела година. Обвинителен акт сеуште не подигнала. Според обвинителката и ЗЛАТКО ЈАКОВСКИ, доктор од судска медицина, присутен на лице место критичната ноќ, повредите со кои Јелена Филиповиќ се здобила имале смртни последици. Сепак, сите факти укажуваат на УБИСТВО!
Полицијата пристигнала на лице место МНОГУ ПОДОЦНА затоа што биле повикани еден час откако се случила несреќата. Доцнела и итната медицинска помош. Возачот на ситроен ,,Ц5,, НИКОЛА СТЕФАНОВСКИ и сопатничката ТАМАРА ПЕТКОВСКА, другарка на починатата, откако се случила сообраќајката на железничкиот премин, по иницијатива на СТЕФАНОВСКИ останале сами 15-20 минути и НЕ ПОВИКАЛЕ ниту полиција ниту итна медицинска помош. Дури откако жителите на населеното место каде се случила сообраќајката пристигнале напомош, од страна на НИКОЛА СТЕФАНОВСКИ биле замолени да не повикуваат никој, дека ќе дојде татко му БОЖО и се ќе среди, дека е ПИЈАН, дека ќе има последици. Затоа службените лица, полицијата и лекарите стигнуваат на местото на настанот ЕДЕН ЧАС ПОДОЦНА.
КОМПЛЕТНИОТ ХАОС го продуцирала обвинителката НАТАША КРСТЕВА ЦАЛЕВА. Записникот од увидот на лице место е целосно фалсификуван, со внесени податоци кои апсолутно не одговараат на вистината. Обвинителката, иако можела со непосреден увид на лице место да утврди дека возачот НИКОЛА СТЕФАНОВСКИ е и пијан и дрогиран, не побарала од полицијата да го приведе и притвори, му дозволила да си замине со татко му и роднините кои му дошле напомош. Утредента наредила ситроенот да биде однесен во полициска станица Лисиче и веднаш по визуелен технички преглед возилото било предадено на родителите на возачот СТЕФАНОВСКИ а тие го однеле на плац во околина на Куманово, сопственост на Албанец, покриено со церада, подготвено за уништување, сечење и гмечење. Врз основа на револт на граѓани од Куманово, родителите на ЈЕЛЕНА ФИЛИПОВИЌ добиле дојава каде е сокриено возилото. Тие се организирале и испратиле луѓе кои ситроенот го фотографирале заради прибирање на доказна фото документација. Откако родителите преку адвокат доставиле фотографии и и кажеле на обвинителката дека знаат на која локација е возилото, БОЖО СТЕФАНОВСКИ организирал трансфер на возилото во приватна куќа во кумановското село Речица.
На ден на давање изјава на мајката на Јелена во обвинителство, добиена е и информација дека таткото на НИКОЛА, Божо Стефановски со неколку лица имаат пристап до ситроенот, дека го сечат дел по дел и деловите ги разнесуваат! Мајката на Јелена барала и ја молела обвинителката да даде наредба да го земат возилото да биде обезбедено заради понатамошно обезбедување докази, таа тоа не го сторила.
Обвинителката дозволила и во записник да влезат НЕТОЧНИ ПОДАТОЦИ, како што се тие дека настанала материјална штета на: преден браник, на лев и десен фар, на предното стакло, на задно десно крило, на предна и задна врата и што е најтрагично, обвинителката не инстистирала да биде внесен податок дека НЕ БИЛЕ АКТИВИРАНИ ВОЗДУШНИТЕ ПЕРНИЧИЊА.
Страшно е кога се чита записник во кој стои дека ситроенот ,,Ц5,, бил донесен во кругот на СВР Скопје, па било однесено на технички преглед во станица за технички преглед ,,Кисела Вода,,, и дека ПОРАДИ ГОЛЕМИ ОШТЕТУВАЊА НЕ МОЖЕ ДА СЕ ИЗВРШИ ТЕХНИЧКИ ПРЕГЛЕД! Ова не е точно, од фотографиите во прилог гледате дека на ситроенот ја нема материјалната штета која е впишана во записникот. Точно е само дека ја нема задната врата од колата, до која седела починатата, врата која била откината при удар во металниот столб од железничкиот премин. Ама, сите други оштетувања НЕ СЕ СЛУЧИЛЕ!
Инаку, увидот почнал на 14 јануари во 02:30 часот, а завршил на 05 март, 65 ДЕНОВИ ПОДОЦНА! Не знам дали е пракса увид на лице место да трае два месеци.
Возилото при брзина поголема од 100 км/час завршило во канал длабок околу 3 метри. Несреќата е снимена преку видео надзор на железничкиот премин, ама на снимката не се гледа ништо после пропаѓањето на ситроенот во каналот. При несреќата ЈЕЛЕНА ФИЛИПОВИЌ била тешко повредена, седела на седиштето зад возачот НИКОЛА СТЕФАНОВСКИ, крварела на седиштето, ама не починала тука. На седиштето имало нејзина крв, ама денес на истото место крв нема. На нејзиното тело има траги од извлекување од колата, има траги и од крв на прагот на возилото, таа не била пронајдена на седиштето, туку откако со големо задоцнување луѓето кои помагале дознале дека има и трето унесреќено лице, ја барале ЈЕЛЕНА и ја нашле на три метри зад ситроенот, во поток, со лицето во вода свртено надолу. Ова укажува на тоа дека е убиена.
НА СУД ВО СУДСКИ ПРОЦЕС, ПОРАДИ ОБЕМНА ДОКАЗНА ФОТО ДОКУМЕНТАЦИЈА КОЈА РОДИТЕЛИТЕ НА ЈЕЛЕНА ФИЛИПОВИЌ ЈА ПОСЕДУВААТ, ОБВИНИТЕЛКАТА НАТАША КРСТЕВА ЦАЛЕВА ЌЕ МОРА ДА ДОКАЖЕ ЗОШТО ПОГОРЕ НАВЕДЕНИТЕ ФАКТИ ГИ КРИЕ, ЗОШТО НЕ СЕ СОСТАВЕН ДЕЛ ОД ИСТРАГА И ЗОШТО СЛУЧАЈОТ НЕ ГО ТРЕТИРА КАКО УБИСТВО ТУКУ КАКО НЕСРЕЌЕН СЛУЧАЈ!?
На увид не е пронајден мобилниот телефон од ЈЕЛЕНА, а повеќе докази кои обвинителката не ги прибрала, се прибрани од лицата кои помагале, жители на местото каде што се случила трагедијата, ама и службени лица присутни на увидот кои виделе во која несакана насока оди случајот. Па анонимно на родителите им доставуваат докази…
Возачот НИКОЛА СТЕФАНОВСКИ и ТАМАРА ПЕТКОВСКА, инаку дечко и девојка во љубовна врска за која немам информација дали уште трае, соочени со факти ќе мораат да кажат што точно се случило додека да дојдат мештаните кои помагале по несреќата. За мене е катастрофално кога читам податок дека ДР ТЕОДОРА ЈАКИМОВСКА од итна медицинска помош, констатирала дека ,,смртта кај ЈЕЛЕНА ФИЛИПОВИЌ настанала во 02:10 часот,, а тие дошле на лице место во 02:30 или 20 минути подоцна. Како проценила е прашање за дискусија? И нејзино сведочење во постапка…
ЗАЕДНО СО ДР ЈАКИМОВСКА ЌЕ МОРА ДА СЕ ИЗЈАСНАТ И ФАКТОРИ ОД ГРАДСКА БОЛНИЦА СКОПЈЕ, ОКОЛУ АНАЛИЗАТА НА КРВТА НА НИКОЛА СТЕФАНОВСКИ и ТАМАРА ПЕТКОВСКА. КОЛКАВО КОЛИЧЕСТВО ИМАЛО ИЛИ НЕМАЛО АЛКОХОЛ И КОКАИН ВО НИВ НОЌТА!?
Инаку, мештаните дознале дека ЈЕЛЕНА ФИЛИПОВИЌ е трето лице во колата кога на лице место се вратила кола со нивни другари со кои заедно биле вечерта на забава во с. КАДИНО. Кога дошле и излегол возач од колата и прашал ,,КУДЕ ЈЕ ЈЕЛЕНА!?,, настанала паника и потрага по неа. Мештаните во глас прашале:
,,А ИМА ЛИ И ТРЕТО ЛИЦЕ?,,.
Возачот кој тоа го прашал е КРИСТИЈАН, брат на ТАМАРА ПЕТКОВСКА. Се стрчал во каналот заедно со мештаните да ја бараат ЈЕЛЕНА, а НИКОЛА и ТАМАРА останале на патот погоре. Биле свесни и двајцата, иако БОЖО СТЕФАНОВСКИ, татко на НИКОЛА, од тие моменти па следните три дена во јавноста создавал лажна слика дека неговиот син е тешко повреден, дека е со повеќе скршеници, дека не се знае дали ќе преживее, дека за секој случај барал гробно место и за синот. Ама, таткото БОЖО два дена по несреќата објавил дека прави забава во кафе бар во Куманово кој го има под закуп! Забавата ја закажал и ја објавил на социјалната мрежа Фејсбук…
Ама, најтешки повреди кои неговиот син НИКОЛА ги има се трајни, синот болува од хронично пијанство и дејството на кокаин, кои ги имал во крвта во поголема количина и пред и после сообраќајката и ден денес ги има. Сторител е на серија кривични дела, познат е во кумановската јавност како инцидентен тип, склон на алкохол и кокаин. Зависност не се лекува за една година, траги од организмот не се чистат брзо…
Моја констатација од она што го читам од записникот е дека и обвинителката НАТАША КРСТЕВА ЦАЛЕВА била и уште е пијана и дрогирана, бидејќи дозволила во записник да влезе податок дека ВРНЕЛ ДОЖД И КОЛОВОЗОТ БИЛ МОКАР, а од обичен извештај од РХМЗ изваден од родителите на ЈЕЛЕНА, се чита дека со денови наназад немало ни дожд ни мокар коловоз, дека и ова е лажен податок. Само на пијано и дрогирано лице му се причинува ДОЖД кога е сонце или јасна ноќ. Нешто слично се случува и со КОРУМПИРАНИ лица, па можеби обвинителката сето оваа го прави од коруптивни причини!?
Родителите на ЈЕЛЕНА ФИЛИПОВИЌ, една година бараат и чекаат правда. Бараат соодветна кривична санкција за возачот и за соучесничката доколку направила дела спротивни на закон. Родителите си ја бараат вистината. Не бараат одмазда. Божо, таткото на возачот НИКОЛА СТЕФАНОВСКИ во желба да го спаси синот од затвор, а за да му ја продолжи агонијата во која се наоѓа поради константно пијанство и дрогирање, чини се што е во негова моќ да го ,,заштити,,, ама попатно заглавува фактори кои се под морање да злоупотребат службена положба да му угодат на таткото БОЖО. Прашање на време е кога синот НИКОЛА ќе направи ново слично тешко недело…
Тој ,,процес,, на угодување го раководи обвинителката НАТАША КРСТЕВА ЦАЛЕВА, според мене, таа удира државен потпис на очигледно убиство по сообраќајна несреќа. ЈЕЛЕНА ФИЛИПОВИЌ практично е убиена два пати, еднаш по несреќата и втор пат од обвинителката…
На денешен ден прекинува молкот на институциите во поглед на заташкување на вакви случаи. Има и премногу докази дека ова не e сообраќајна несреќа…
[widgetkit id=49]

Коментари

Новитети :

Следете не :

Зачленете се за Новости


Headline

Never Miss A Story

Get our Weekly recap with the latest news, articles and resources.

Cookie policy
We use our own and third party cookies to allow us to understand how the site is used and to support our marketing campaigns.