Пишува: Зоран Божиновски
На крајот од декември 2005 година, кога веќе претходно на три средби во Виена било договорено СДСМ да ги изгуби изборите во 2006 година, а за тоа на премиерот Бучковски му биле исплатени 8 милиони евра, Сашо Мијалков веќе ,,работел,, на случајот и се однесувал како да е на власт. Имал пристап до следење и прислушување на телефони на оние кои сакал да ги следи и снима, меѓу нив бил новинарот Никола Младенов.
Арно ама, Жарко Луковски му овозможил да следи и партии, а на Мијалков особено му биле интересни партиите од т.н. АЛБАНСКИ БЛОК. За ова, одговорниот директор за прислушување и следење, Димитар Ковачевски добил опомена од Елек Штрауб, негов претпоставен од Маѓар Телеком.
Имаме доказ за нивната комуникација. Содржината на преписката меѓу денешниот актуелен премиер на Северна Македонија и на тогашниот директор на Ериксон, денес благоупокоен Жарко Луковски, ја имате во продолжение:
Од: Димитар Ковачевски
Испратено: Сабота, 25.12.2005, 18:38 ч.
До: Жарко Луковски
Жаре, ќе мора да бидеме доста претпазливи бидејќи контролата за следење на комуникација се повеќе се зајакнува. Особено ова важи за Саше бидејќи неконтролирано следи и снима. Освен што постојано го следи ,,новинарот,, сега ги следи и партиите од албанскиот блок и се што ќе му дојде на памет. А правилата се заоструваат. Ќе мора да се видиме со него затоа што види што ми прати Штрауб.
Доверливост
Само овластено лице може да има пристап до информации, документација или податоци – и во целост и до делови од нив.
Интегритет
Ништо не смее да се додава, брише или измени без овластување за тоа, информациите мора да бидат без искривување.
Достапност
Информациите мора да бидат достапни за овластени лица во секое време
Автентичност
Мора да биде можно да се утврди дали информациите навистина потекнуваат од лицето што ги доставува.
